சன் பிக்சர்ஸ் தயாரிப்பில், ஏஆர் முருகதாஸ் இயக்கத்தில், ஏஆர் ரகுமான் இசையமைப்பில், விஜய், கீர்த்தி சுரேஷ், வரலட்சுமி மற்றும் பலர் நடிக்கும் ‘சர்கார்’ படத்தின் டீசர் நேற்று மாலை 6 மணிக்கு யு டியுபில் வெளியிடப்பட்டது.
வெளியானதிலிருந்தே அடுத்தடுத்து பல சாதனைகளைப் புரிந்த இந்த டீசர், 292 நிமிடங்களில் 10 லட்சம் லைக்குகளைப் பெற்று புதிய உலக சாதனையைப் படைத்தது.
24 மணி நேர முடிவில் 1 கோடியே 60 லட்சம் பார்வைகளும், 12 லட்சம் லைக்குகளும், 1 லட்சம் கமெண்ட்டுகளும் பெற்று மேலும் ஒரு சாதனையைப் படைத்துள்ளது.
விஜய் நடித்து கடந்த வருடம் வெளிவந்த ‘மெர்சல்’ படத்தின் டீசர் 4 கோடி பார்வைகளையும், 11 லட்சம் லைக்குகளையும் பெற்றுள்ளது. தற்போது லைக்குகளில் புதிய சாதனையைப் படைத்துவிட்டது. அடுத்து 4 கோடி பார்வைகளைக் கடந்து புதிய சாதனையைப் படைக்க வேண்டும். படம் வெளிவருவதற்கு இன்னும் 15 நாட்கள் உள்ளன. அதற்குள் அந்த சாதனை படைக்கப்படுமா என்பதுதான் கேள்வி.
‘சர்கார்’ டீசருக்குக் கிடைத்துள்ள வரவேற்பு படம் மீதான எதிர்பார்ப்பை இன்னும் அதிகப்படுத்தியிருக்கிறது.
