ஓம் – டிரைலர்

ராஜ்குமார் பெரியசாமி இயக்கத்தில், சாய் அப்யங்கர் இசையமைப்பில், தனுஷ், மம்மூட்டி, சாய் பல்லவி, ஸ்ரீலீலா, ரேணு தேசாய் உள்ளிட்ட பலர் நடித்துள்ள திரைப்படம் ‘ஓம்’. உண்டர்பார் பிலிம்ஸ் மற்றும் ஆர் டேக் ஸ்டுடியோஸ் இணைந்து தயாரித்துள்ள இப்படத்தின் டிரைலரை படக்குழு வெளியிட்டுள்ளது.

ஆந்திரப் பிரதேசத்தின் சேஷாசலம் வனப்பகுதியில் நடைபெறும் செம்மரக் கடத்தலை மையமாகக் கொண்டு இப்படத்தின் கதை அமைந்துள்ளது. செம்மரக் கடத்தல் கும்பலுக்குள் ஊடுருவி அவர்களின் பின்னணியைக் கண்டறியும் தமிழ்நாடு காவல்துறையின் உளவுப் பிரிவைச் சேர்ந்த அதிகாரியாக தனுஷ் நடித்துள்ளார். ஆந்திரப் பிரதேச காவல்துறையின் சிறப்புப் படையை வழிநடத்தும் ஐபிஎஸ் அதிகாரி நித்யா ரெட்டி கதாபாத்திரத்தில் சாய் பல்லவி நடித்துள்ளார். செம்மரக் கடத்தல் பின்னணியில் செயல்படும் முக்கிய நபராக மம்மூட்டி நடித்திருப்பது டிரைலரில் தெரிய வருகிறது.

காட்டுப்பகுதியில் நடைபெறும் அதிரடி சண்டைக் காட்சிகள், செம்மரக் கடத்தல் கும்பலின் செயல்பாடுகள், காவல்துறையின் ரகசிய நடவடிக்கைகள் என ஆக்‌ஷன் நிறைந்த காட்சிகளுடன் டிரைலர் வெளியாகியுள்ளது. குறிப்பாக, தனுஷ் மற்றும் மம்மூட்டி இடையிலான மோதல் படத்தின் முக்கிய அம்சமாக இருக்கும் என்பதை டிரைலர் உணர்த்துகிறது.

இப்படம் வரும் நவம்பர் 20ஆம் தேதி தமிழ், தெலுங்கு, இந்தி, மலையாளம் மற்றும் கன்னடம் ஆகிய மொழிகளில் உலகம் முழுவதும் திரையரங்குகளில் வெளியாகவுள்ளது.

Read Previous

அப்பா குட்டி – டிரைலர்