நடிகர் நிவின் பாலி நடிப்பில், பெரிதும் எதிர்பார்க்கப்பட்ட “மஹாவீர்யார்” படத்தின் டீசர் இன்று வெளியிடப்பட்டது.
அப்ரித் ஷைனி இயக்கியிருக்கும் இந்தப் படத்தை பாலி ஜேஆர் பிக்சர்ஸ், இந்தியன் மூவி மேக்கர்ஸ் சார்பில் நிவின் பாலி, சம்னாஸ் தயாரித்துள்ளனர்.
இப்படத்தில் நிவின் பாலி, ஆசிப் அலி, லாலு அலெக்ஸ், சித்திக், ஷான்வி ஸ்ரீவஸ்தவா, விஜய் மேனன், மேஜர் ரவி, மல்லிகா சுகுமாரன், சுதிர் கரமனா, கிருஷ்ண பிரசாத், பத்மராஜ் ரதீஷ், சுதீர் பரவூர், கலாபவன் பிரஜோத், பிரமோத் வெளியநாட், ஷைலஜா P அம்பு முக்கிய வேடங்களில் நடித்துள்ளனர்.
விருது பெற்ற எழுத்தாளர் முகுந்தனின் கதையைத் தழுவி இப்படத்தின் திரைக்கதையை இயக்குனர் அப்ரித் ஷைனி அமைத்துள்ளார். ‘1983’ மற்றும் ’ஆக்ஷன் ஹீரோ பிஜு’ படங்களுக்குப் பிறகு மூன்றாவது முறையாக அப்ரித் ஷைனியும், நிவின் பாலியும் இப்படத்தில் இணைந்து பணியாற்றுகிறார்கள்.
‘மஹாவீர்யார்’ திரைப்படம் டைம் டிராவல், பேண்டஸி மற்றும் நீதிமன்ற நடவடிக்கைகளைச் சுற்றி, உணர்வுபூர்வமான தருணங்களுடன், பொழுதுபோக்கு நிறைந்த படமாக உருவாக்கப்பட்டுள்ளது. ரசிகர்களுக்கு சிறப்பான அனுபவத்தைத் தரும், முழுமையான பொழுதுபோக்கு திரைப்படமாக இப்படம் இருக்கும் என்கிறது படக்குழு.
இஷான் சாப்ரா இசையமைக்க, விருது பெற்ற ஒளிப்பதிவாளர் சந்துரு செல்வராஜ் ஒளிப்பதிவு செய்துள்ளார். படக்குழுவில் மனோஜ் (எடிட்டர்), விஷ்ணு கோவிந்த் (ஒலிக்கலவை), அனீஸ் நாடோடி (கலை இயக்கம்), சந்திரகாந்த் & மெல்வி J (ஆடைகள்), லிபின் மோகனன் (ஒப்பனை), பேபி பணிகர் (இணை இயக்குனர்) பணிகளைச் செய்துள்ளனர்.
