வி ஹவுஸ் புரடக்சன்ஸ் சார்பில் சுரேஷ் காமாட்சி மற்றும் மார்ச் 30 நிறுவனம் சார்பில் அஸ்வின் .கே இணைந்து தயாரிக்கும் படம் ‘ரூம்’.
பார்த்திபன் நடித்த ‘அம்முவாகிய நான்’ மற்றும் ‘நேற்று இன்று’ ஆகிய படங்களை இயக்கிய பத்மாமகன் இந்தப் படத்தை இயக்குகிறார்.
தமிழ், தெலுங்கு, கன்னடம் என மூன்று மொழிகளில் ‘ரூம்’ தயாராகிறது.
தெலுங்கு திரையுலகத்தைச் சேர்ந்த அபிஷேக் வர்மா கதாநாயகனாக நடிக்க, கதாநாயகியாக மனோசித்ரா நடிக்கிறார். இவர் ’அவள் பெயர் தமிழரசி, நீர்ப்பறவை, வீரம்’ ஆகிய படங்களில் நடித்தவர்.
படத்தின் ஹைலைட்டான அம்சமே பெரும்பகுதி காட்சிகள் ஒரு பாத்ரூமுக்குள் நிகழ்வதாக திரைக்கதை அமைக்கப்பட்டு இருப்பதுதான்.. அந்த வகையில் படத்தின் டைட்டிலுக்கு ஏற்றபடி வித்தியாசமான, தமிழ் சினிமாவில் இதுவரை மேற்கொள்ளப்படாத ஒரு முயற்சியாக திரில்லர் படமாக உருவாகியுள்ளது. இது படம் பார்க்கும் ரசிகர்களுக்கு ஒரு ஆச்சரியமான அனுபவமாக இருக்கும்.
பிரபல ஒளிப்பதிவாளர் எம்.எஸ்.பிரபு படத்தின் ஒளிப்பதிவை கவனிக்க, வினோத் யஜமான்யா இசையமைக்கிறார். இவர் தெலுங்கில் கிட்டத்தட்ட 300 படங்களுக்கு பின்னணி இசை அமைத்துள்ளார்.
’குற்றம் கடிதல்’, ’ஹவுஸ் ஓனர்’ என இந்தியன் பனோரமாவில் திரையிடப்பட்ட முக்கியமான படங்களுக்கு படத்தொகுப்பு செய்த சி.எஸ்.பிரேம் படத்தை எடிட் செய்கிறார்.
‘ரூம்’ படத்தின் படப்பிடிப்பு முடிவடைந்தது. போஸ்ட் புரொடக்ஷன் பணிகள் விறுவிறுப்பாக நடைபெற்று வருகின்றன.
