நட்பும் நண்பர்களும்
திரைப்படக் கல்லூரி மாணவர்களின் கூட்டு முயற்சியில் உருவாகியிருக்கிற படம் ‘மறுமுகம்’ . இப்படத்தை பள்ளிக்கால, கல்லூரிக்கால நண்பர்கள் இணைந்து உருவாக்கி இருக்கிறார்கள். அன்லிமிட்டட் எண்டர் டெய்ன்மெண்ட் பட நிறுவனத்தின் சார்பில் சஞ்சய் டாங்கி தயாரித்துள்ளார். திரைப்படக்கல்லூரி மாணவர் கமல் சுப்ரமணியம் இயக்கியுள்ளார்.
திரைப்படக் கல்லூரி மாணவர்கள்
இயக்குநர் கமல் சுப்ரமணியம், நடிகர் டேனியல்பாலாஜி, ஒளிப்பதிவாளர் கனகராஜ், எடிட்டர் ஆர்.டி. அண்ணாதுரை போன்ற பலரும் திரைப்படக் கல்லூரி மாணவர்களே.
கதை
ஒவ்வொரு மனிதனுக்குள் பல முகங்கள் இருக்கும். தனக்குத் தேவைப்படும் போது சூழல் அமையும்போது தேவைப்படும் முகத்தை வெளிப்படுத்துவான். அப்படி ஒருவன் வெளிப்படுத்தும் இன்னொரு முகம்தான் ‘மறுமுகம்’ படக்கதை. இது ஓர் ஆக்ஷன் த்ரில்லர்
நட்சத்திரங்கள்
டேனியல் பாலாஜி பிரதான வேடம் ஏற்றுள்ளார். இவரும் . திரைப்படக்கல்லூரி மாணவரே. அந்த நட்பில் படக்குழுவினருடன் இணைந்துள்ளார். படத்தில்டேனியல் பாலாஜி,அனூப், ப்ரீத்தி தாஸ் மூவரும் முக்கியபாத்திரங்கள்.கதாநாயகியி
பாத்திரங்கள்
மாய அழகன் ஆக டேனியல் பாலாஜியும், ராம் ஆக அனூப்பும் ராதிகாவாக ப்ரீத்தி தாஸும் நடித்துள்ளார்கள்.
டேனியல் பாலாஜி ஒரு சிற்பி, இளம்தொழிலதிபர். ஆனால் பெற்றோரை இழந்தவர். பாசத்துக்கு ஏங்குபவர். ‘ஆயிரம் இருந்தும் வசதிகள் இருந்தும் நோ பீஸ் ஆப் மைண்ட்’ என்று வருந்துபவர். அவருக்குள் காதல் வருகிறது. அது கைகூடி வருமோ என்ற பயமும் வருகிறது. அதுதான் மறுமுகம் காட்டவைக்கிறது.
முதல் பாதியில் ஒரு முகம் காட்டுவார். மறுபாதியில் இன்னொரு முகம் காட்டும் போது பரபரப்பு பற்றிக் கொள்ளும். காதல் சுமந்த ஈர முகமும், ஆவேசம் கொண்ட கோரமுகமும், டேனியல் பாலாஜிக்குத் தனித்தனி நடிப்புத் தளங்களாக அமைந்துள்ளன.
டேனியல் பாலாஜியின் விஸ்வரூப தரிசனம் இரண்டாவது பாதியின் உச்சகட்டத்தில் தெரியும். இன்னொரு முக்கிய பாத்திரம் அனூப். படத்தில் இவர் ஒரு சாஃப்ட்வேர் இன்ஜினியர். இவர்களுக்கிடையில் உலவும் தென்றலாக ப்ரீத்தி தாஸ். இவர் கல்லூரி இறுதியாண்டு மாணவியாக வருகிறார்.
டேனியல் பாலாஜி, அனூப், ப்ரீத்தி தாஸ் இவர்கள் மூவருக்குள் நிகழும் கதைச் சம்பவங்களே படத்தின் கதைக் கரு.
இயக்குநர்
”இது அளவான நாட்களில் முறையாக திட்டமிட்டு முடிக்கப்பட்ட படம். படப்பிடிப்பை விட சந்தைப்படுத்துதலின் சிக்கல்கள், போராட்டங்கள், வெளியி
முழு மூச்சுடன் மொத்தப் படம்
பலநாட்கள் அதிகாலை முதல் நள்ளிரவு வரை படப்பிடிப்பை முழு மூச்சுடன் நடத்தியுள்ளனர். 45 நாட்களில் மொத்தப் படத்தையும் எடுத்திருக்கிறார்கள். அந்த வகையில் இது நன்றாகத் திட்டமிடப்பட்டு அளவான நாட்களில் முறையாக முடிக்கப்பட்ட படம்.
படப்பிடிப்பு இடங்கள்
கொடைக்கானல், குற்றாலம், அச்சன் கோவில், சென்னை, மாமல்லபுரம் கடற்கரை போன்ற இடங்களில் படப்பிடிப்பு நடைபெற்றுள்ளது. கொடைக்கானலில் லாசலத் மாதா கோவில் புகழ் பெற்றது. அங்கு 1972ல் ‘ஞானஓளி’படத்தின் ‘தேவனே என்னைப் பாருங்கள்’ பாடல் காட்சிக்கான- படப்பிடிப்பு நடந்தது. 40 ஆண்டுகளாக எந்த சினிமா படக் குழுவுக்கும் அனுமதி கிடைக்கவில்லை. ‘மறுமுகம்’ படக்குழு அங்கு அனுமதி பெற்று படப்பிடிப்பு நடத்தியுள்ளனர்.
தொழில் நுட்பக் கலைஞர்கள்
படத்தில் ஒளிப்பதிவும் இசையும் இயக்குநரின் இரு கண்களாக இருந்திருக்கின்றன. க்ரைம் த்ரில்லர் என்கிற போது ஒளிப்பதிவாளர் கனகராஜும், இசையமைப்பாளர் அகஸ்தியாவும் திறமைகாட்டி ரகளை செய்யட்டும் என்று அவர்களுக்கு இயக்குநர் வழிவிட்டு இடங்கொடுத்து நிற்கும் காட்சிகளும் உள்ளன.
”படத்தின் ஒளியமைப்பில் கனராஜும் பின்னணி இசையமைப்பில் அகஸ்தியாவும் பேசப்படுவர்” என்கிறார் இயக்குநர்.
தயாரிப்பாளர்
படத்தின் தயாரிப்பாளர் சஞ்சய் டாங்கி இயக்குநரின் நண்பர். பல நண்பர்களும் படத்தின் உருவாக்கத்தில் துணை நின்றிருக்கிறார்கள்.
தணிக்கைத் துறையினர் பாராட்டு!
படத்தில் எந்த வெட்டும் இல்லை ஆனால் ‘ஏ’ சான்றிதழ் வழங்கப்பட்டுள்ளது. படத்தில் ஆட்சேபகரமான காட்சிகள் இல்லை என்று தணிக்கைத் துறையினர் பாராட்டினாலும் படத்தின் கதை வெளிப்படுத்தும் ‘இப்படியும் செய்ய முடியுமா?’ என்கிற கற்பனைக் கருத்து படத்தில் உள்ளது. அதற்கு விதிகளின்படி ‘ஏ’ சான்றிதழ் கொடுக்க வேண்டியதாகிவிட்டது என்றிருக்கிறார்கள்.
‘மறுமுகம்’ படம் மார்ச் 14 ல் வெளிவருகிறது.
