மம்முட்டி, ராஜ்கிரண், மீனா ஆகியோர் நடிப்பில் தமிழ், மலையாளம் என இரு மொழிப் படமாக உருவாகி வரும் திரைப்படம் ‘குபேரன்’.
ராஜ்கிரண் இந்த படத்தில் நடிப்பதன் மூலம் மலையாளத் திரையுலகில் முதன் முதலாக அடியெடுத்து வைத்துள்ளார்.
பிரபல மலையாள இயக்குனர் அஜய் வாசுதேவ் இந்தப்படத்தை இயக்கியுள்ளார். ஏற்கனவே மம்முட்டியை வைத்து மலையாளத்தில் ராஜாதி ராஜா மற்றும் மாஸ்டர் பீஸ் என இரண்டு ஹிட் படங்களை கொடுத்தவர். மம்முட்டியுடன் மூன்றாவதாக இணையும் முதல் இயக்குனர் இவரே. மலையாளத்தில் இந்தப் படத்திற்கு ‘ஷைலாக்’ (Shylock) என டைட்டில் வைக்கப்பட்டுள்ளது.
இப்படத்தை ஜோபி ஜார்ஜ் தயாரித்திருக்கிறார். இந்தப் படத்தின் தமிழ் உரிமையை ராஜ்கிரணின் ரெட் சன் ஆர்ட் கிரேஷன்ஸ் நிறுவனம் பெற்றுள்ளது. இந்த நிறுவனம் ராசாவே உன்னை நம்பி, என்ன பெத்த ராசா, என் ராசாவின் மனசிலே, அரண்மனைக்கிளி, எல்லாமே என் ராசாதான் ஆகிய வெள்ளி விழா படங்களையும், சில நூறு நாட்கள் படங்களையும் தயாரித்து வெளியிட்டு இருக்கிறது.
என் ராசாவின் மனசிலே, பாசமுள்ள பாண்டியரே படங்களுக்குப் பிறகு சுமார் 22 வருடங்கள் கழித்து ராஜ்கிரணும் மீனாவும் இந்தப் படத்தில் மீண்டும் இணைந்து நடிக்கிறார்கள். மம்முட்டி, ராஜ்கிரண் இப்படம் மூலம் முதல் முறையாக சேர்ந்து நடிக்கிறார்கள்.
2.O படத்தின் வில்லன்களில் ஒருவராக நடித்திருந்த பிரபல காமெடி நடிகர் கலாபவன் ஷாஜன் இந்தப் படத்தில் வில்லனாக நடிக்க, முக்கிய வேடத்தில் சித்திக் நடித்துள்ளார்.
இந்தப் படத்தின் கதையை புதியவர்களான பிபின் மோகன் மற்றும் அனீஸ் ஹமீது ஆகிய இருவரும் எழுதியுள்ளனர். ராஜ்கிரண் வசனம் எழுதியுள்ளார்.
ரணதீவ் இந்தப்படத்தின் ஒளிப்பதிவை கவனிக்க, மலையாள திரையுலகின் முன்னணி இசையமைப்பாளர் கோபிசுந்தர் இந்தப் படத்திற்கு இசையமைக்கிறார். இவர் ஏற்கனவே தமிழில் தோழா, பெங்களூரு நாட்கள் ஆகிய படங்களுக்கு இசையமைத்துள்ளார். இப்படத்திற்
இந்த படம் வரும் டிசம்பர் மாதம் ரிலீசாக உள்ளது.
