உலக அளவில் தேடல் இணையதளங்களில் மக்கள் அதிகமாகப் பயன்படுத்தும் இணையதளம் கூகுள். இந்த தேடுதல் தளத்தை தான் இந்தியாவில் உள்ள மக்கள் மிக அதிகமாகப் பயன்படுத்தி வருகிறார்கள்.
2020ம் ஆண்டின் கடைசி மாதத்தில் நாம் இருக்கும் நிலையில் இந்த வருடம் இந்தியாவில் அதிகம் தேடப்பட்டவைகள் எவை என்பது குறித்த விவரத்தை கூகுள் வெளியிட்டுள்ளது.
திரைப்படம் சம்பந்தமான தேடல்களில் முதலிடத்தை ஹிந்திப் படமான ‘தில் பேச்சரா’ பெற்றுள்ளது. இரண்டாவது இடத்தை சூர்யா நடித்து வெளிவந்த ‘சூரரைப் போற்று’ படம் பிடித்துள்ளது. டாப் 10 பட்டியலில் இடம் பிடித்துள்ள படங்களில் ஒரே ஒரு தமிழ்ப் படம் இதுதான் என்பது குறிப்பிட வேண்டிய ஒன்று.
நேற்று சமூக வலைத்தளமான டிவிட்டர் வெளியிட்ட 2020ம் ஆண்டின் அதிக ஹேஷ்டேக் பதிவுகளிலும் ‘சூரரைப் போற்று’ இரண்டாம் இடத்தைப் பிடித்தது.
ஒரு தமிழ்ப் படம் இந்திய அளவில் கூகுள் மற்றும் டிவிட்டர் தளங்களில் இரண்டாவது இடத்தைப் பிடித்திருப்பது வரவேற்க வேண்டிய ஒரு சாதனை.
