பாண்டிராஜ் இயக்கத்தில் சிவ கார்த்திகேயன், விமல், ரெஜினா, பிந்து மாதவி நடித்த ‘கேடி பில்லா கில்லாடி ரங்கா’ கடந்த வெள்ளியன்று வெளியானது.
வெளியான சில நாட்களிலேயே கோடிகளை வசூலித்துள்ளது. வெள்ளி , சனி, ஞாயிறு ஆகிய மூன்று நாட்களில் மட்டும் 10 கோடிக்கும் மேலாக வசூல் ஆகியுள்ளது. திங்களன்றும் , ஞாயிற்றுக் கிழமை போன்றே வசூல் தொடர்ந்துள்ளது.
இயக்குனர் பாண்டிராஜ், படத்தை இணைந்து தயாரித்துள்ள எஸ்கேப் ஆர்ட்டிஸ்ட் மோஷன் பிக்சர்ஸ் மதன், வெளியிட்டுள்ள ஸ்டுடியோ க்ரீன் , படக் குழுவினர் படத்திற்கு கிடைத்துள்ள வரவேற்பைக் கண்டு மிகவும் மகிழ்ச்சியடைந்துள்ளனர்.
பாண்டிராஜ் ‘ஹாட்ரிக்’ வெற்றியைக் கொடுத்துள்ளதால் பல தயாரிப்பாளர்கள் இயக்குனர் பாண்டிராஜை வைத்து படம் தயாரிக்க முயல்வதாக கோடம்பாக்கத் தகவல்கள் தெரிவிக்கின்றன.
