லாஸ்ட் பெஞ்ச் பாய்ஸ் புரொடக்ஷன்ஸ் தயாரிப்பில் முகமது இசாக் இயக்கத்தில் பாஸ்கர் இசையமைப்பில் தமிழ், சீனு ஐயர், ஸ்ரீ பிரியங்கா மற்றும் பலர் நடிக்கும் படத்தின் டிரைலரை இயக்குனர் பாக்யராஜ் மற்றும் அபிராமி ராமநாதன் வெளியிட்டார்கள்.
இத் திரைப்படத்திற்கு கின்னஸ் சாதனை விருது கிடைத்துள்ளது.
ஒரே ஷாட்டில் எடுக்கப்பட்ட மிக நீளமான உலகின் முதல் கின்னஸ் சாதனை படம் இது. முற்றிலும் புதுமுக நடிகர்களை வைத்து கடந்த டிசம்பர் 7 ஆம் தேதி இந்த கின்னஸ் சாதனை நிகழ்த்தப்பட்டது. ஒரே ஷாட்டில் தொடர்ச்சியாக 2 மணி 3 நிமிடங்கள் 30 விநாடிகளில் படப்பிடிப்பு நடத்தப்பட்டது. அதன் பிறகும் எடிட்டிங் செய்யப்பட வில்லை என்பது குறிப்பிடத்தக்கது.
நோட்டரி பப்ளிக் வக்கீல், ஒரு பள்ளி ஆசிரியர் மற்றும் எத்தன் பட இயக்குனர் சுரேஷ் ஆகியோர் சாட்சிகளாகக் கலந்து கொண்டனர்.
எல்லா சாட்சிகளும், ஆவணங்களும் உடனுக்குடன் லண்டனில் அமைந்துள்ள கின்னஸ் உலக சாதனைச் சான்றிதழ் வழங்கும் அமைப்புக்கு அனுப்பப் பட்டிருந்தது நினைவிருக்கலாம்.
கின்னஸ் சாதனையாளர் விருதுக்கான அங்கீகாரத்திற்கு அனுப்பப் பட்ட அகடம் திரைப்படம், முந்தைய சாதனையான 1 மணி 30 நிமிடம் ஓடக்கூடிய ரஷ்ய மொழிப்படமான ‘ரஷ்ஷியன் ஆர்க்கின்’ சாதனையை முறியடித்து கின்னஸ் சாதனைக்கான அங்கீகாரத்தைப் பெற்றிருக்கிறது.
இந்திய சினிமா 100 -வது ஆண்டு விழா கொண்டாடும் இந்த இனிய தருணத்தில் , தமிழ் சினிமா ‘அகடம்’ கின்னஸ் உலக சாதனை படைத்துள்ளது இந்தியர் அனைவரும் பெருமைபடக்கூடியதாகும் .
எம்.ரசியாபி முகம்மது மற்றும் முகமது இசாக் தயாரித்திருக்கும் இந்தப் படத்திற்கு ஒளிப்பதிவு E.J நெளஷாத், இசை – பாஸ்கர் .
2 மணி நேரம் 3 நிமிடம் 30 நொடிகள் விறுவிறுப்பாகச் செல்லும் அகடம் படத்தில் பாடல்கள் எதுவும் இல்லை என்பது குறிப்பிடத்தக்கது.
‘அகடம்’ படத்திற்கு தணிக்கை அதிகாரிகளால் U/A சான்றிதழ் வழங்கப்பட்டுள்ளது.
கின்னஸ் சாதனை புரிந்த அகடம் திரைப்படம் விரைவில் திரைக்கு வருகிறது.
