‘கூலி’ முதல் பாராட்டு, துணை முதல்வர் உதயநிதி ஸ்டாலின்

லோகேஷ் கனகராஜ் இயக்கத்தில், அனிருத் இசையமைப்பில், ரஜினிகாந்த், நாகார்ஜுனா, சத்யராஜ், சவுபின் ஷாகிர், அமிர்கான், ஸ்ருதிஹாசன் மற்றும் பலர் நடிப்பில் நாளை வெளியாக உள்ள படம் ‘கூலி’.

இப்படத்தை ரஜினிகாந்த் இரு தினங்களுக்கு முன்பு பார்த்தார் என்ற தகவல் வெளியானது. இப்போது படத்தைப் பார்த்த மற்றொருவர் பற்றிய தகவல் வந்துள்ளது.

துணை முதல்வர் உதயநிதி ஸ்டாலின் படத்தைப் பார்த்து பாராட்டு தெரிவித்துள்ளார்.

நாளை மறுதினம் ஆகஸ்ட் 15ம் தேதி ரஜினிகாந்த் சினிமாவிற்கு வந்து 50 ஆண்டுகள் நிறைவடைகிறது. அதை முன்னிட்டு அவரது வாழ்த்துச் செய்தியில் ‘கூலி’ படத்தைப் பார்த்தது பற்றியும் குறிப்பிட்டுள்ளார்.

‘‘கலையுலகில் தனக்கென தனி இடம் பிடித்துள்ள சூப்பர் ஸ்டார் ரஜினிகாந்த் சார், திரையுலகில் 50 ஆண்டுகளை நிறைவு செய்கிறார்கள். இந்த வரலாற்றுத் தருணத்தில் அவரை வாழ்த்தி மகிழ்கிறேன்.

நாளை வெளியாகும் அவருடைய ‘கூலி’ திரைப்படத்தைப் பார்க்கின்ற வாய்ப்பு கிடைத்தது. அனைத்துத் தரப்பையும் ஈர்க்கிற Mass Enterntainer-ஆக ‘கூலி’ திரைப்படம் மிகச்சிறப்பாக வந்திருக்கிறது.

‘கூலி’ மாபெரும் வெற்றி பெற ரஜினிகாந்த் சார், சன் பிக்சர்ஸ், இயக்குனர் லோகேஷ் கனகராஜ், அமீர்கான் சார், சகோதரர் அனிருத், ஸ்ருதிஹாசன் உட்பட படக்குழுவினர் அனைவருக்கும் என்னுடைய வாழ்த்துகளைத் தெரிவித்துக் கொள்கிறேன்,” எனக் குறிப்பிட்டுள்ளார்.