ஜீ தமிழ் - ஆகஸ்ட் 15, முதல் முறை ஒளிபரப்பாகும் ‘கர்ணன்’
13 Aug 2021
ஜீ தமிழ் டிவியில் வரும் ஆகஸ்ட் 15, ஞாயிற்றுக்கிழமை 75வது சுதந்திர தின கொண்டாட்டத்தை முன்னிட்டு, புத்தம் புதிய திரைப்படமும், சிறப்பு நிகழ்ச்சிகளும் ஒளிபரப்பாக உள்ளது.
உலகத் தொலைக்காட்சிகளில் முதல் முறையாக தனுஷ் நடித்த ‘கர்ணன்’ படம் மாலை 6 மணிக்கு ஒளிபரப்பாக உள்ளது.
மாரி செல்வராஜ் இயக்கத்தில் சந்தோஷ் நாராயணன் இசையமைப்பில், தனுஷ், லால், ரஜிஷா விஜயன் மற்றும் பலர் இப்படத்தில் நடித்துள்ளனர்.
காலை 8 மணிக்கு அல்லு அர்ஜுன், அனு இம்மானுவேல் நடித்த ‘என் பேரு சூர்யா என் வீடு இந்தியா’ படம் ஒளிபரப்பாக உள்ளது.
காலை 10.30 மணிக்கு ஸ்ரீகாந்த், லட்சுமி ராய் நடித்த மிருகா படம் ஒளிபரப்பாகிறது.
பிற்பகல் 1 மணிக்கு இரண்டு மணி நேர நிகழ்ச்சியாக இயக்குனர் கரு.பழனியப்பன் தொகுத்து வழங்கும் ‘தமிழா தமிழா - ஸ்டார்ஸ் ஸ்பெஷல்’ ஒளிபரப்பாகிறது. இதில் பிரபல நட்சத்திரங்களும், அவர்களது குடும்பத்தினர்களும் எதிரெதிர் அணியாக பேசுகிறார்கள்.
பிற்பகல் 3 மணிக்கு ‘யாரடி நீ மோகினி - வெற்றிவிழா’ கொண்டாட்ட நிகழ்ச்சி ஒளிபரப்பாகும். 1250 எபிசோடுகளைக் கடந்து வெற்றிகரமான ஒளிபரப்பான இத்தொடரில் நடித்த நடிகர்கள், நடிகைகள் நிகழ்ச்சியில் பங்கேற்கிறார்கள்.
மாலை 5 மணிக்குவிரைவில் ஒளிபரப்பாக இருக்கும் புத்தம் புதிய நிகழ்ச்சியான ‘நினைத்தாலே இனிக்கும்’ நிகழ்ச்சியின் பிரம்மாண்ட துவக்க விழாவும் அன்று ஒளிபரப்பாகும். ஆர்ஜே விஜய், கிகி ஆகியோர் கதாபாத்திரங்களை அறிமுகம் செய்து வைத்து, நேயர்களிடம் அந்நிகழ்ச்சி பற்றி பகிர உள்ளார்கள்.
Tags: zee tamil, zee tamil tv, karnan, dhanush, yaradi nee mohini,
