MX Player - ‘குருதி ஆட்டம்’, புதிய க்ரைம் த்ரில்லர் தொடர்
21 Jan 2021
அப்ளாஸ் என்டர்டெயின்மென்ட் மற்றும் அர்பட் சினி பேக்டரி இணைந்து தயாரித்துள்ள வெப் தொடர் ‘குருதிக்களம்’.
தனுஷ், கே மோகன், விக்னேஷ் கார்த்திக், கிஷோர் சங்கர் மற்றும் கவிராஜ் ஆகியோர் இணைந்து எழுதியுள்ளனர்.
13 அத்தியாயங்கள் கொண்ட இத் தொடரை ராஜ பாண்டி மற்றும் தனுஷ் இயக்கியுள்ளனர். இத் தொடர் MX Player-ல் ஜனவரி 22 அன்று வெளியாக உள்ளது.
சென்னையில் உள்ள இரண்டு போட்டி கும்பல் வன்முறையின் மூலம் சென்னையை எப்படி ஆளுகிறார்கள் என்பதே இத்தொடரின் கரு.
ஒரு நேர்மையான இளைஞன் விஜய் (சந்தோஷ் பிரதாப்), ஒரு முடிவில்லாத சக்தி வளையத்திற்குள் இழுக்கப்படுகிறான். காவல் துறை அதிகாரியாக ஆக வேண்டும் என்ற அவன் கனவு, இந்த வன்முறையால் நிகழாமல் போகிறது. அவன் மீண்டும் எழுந்து, அவனது பெரும் எதிரி கூட்டமான குமார் (அசோக் குமார்) முதல், தனது முன்னாள் நண்பனான சப்-இன்ஸ்பெக்டர் அருண் (சௌந்தர்ராஜா) வரை பழிக்குப்பழி வாங்குகிறான்.
இத்தொடர் குறித்து இயக்குநர் ராஜபாண்டி கூறியதாவது,
“குற்றங்களை அடிப்படையாகக் கொண்ட கதைகள் தற்போதைய ரசிகர்களால் அதிகம் விரும்புபவையாக இருக்கின்றன. இந்த இணைய தொடர் துரோகம், பழிவாங்கல் மற்றும் தியாகம் செய்தலுக்கு இடையிலான பெரும் உணர்வுகளை, பொழுதுபோக்கு அம்சத்துடன் கலந்து சொல்லும் வகையில் ரசிகர்கள் விரும்பும்படி இருக்கும்.
தனுஷ் கூறியதாவது,
“அனைத்து அத்தியாயங்களையும் பார்க்கும் ஆர்வத்தைத் தரும் வகையில் இந்தத் தொடர் உள்ளது. மிக அழகாக அத்தனை ஆக்சன் மற்றும் உணர்வுகளை அட்டகாசமாக 13 அத்தியாயங்களுக்குள் தந்திருக்கும் நடிகர் குழு மற்றும் தொழில்நுட்பக் குழுவிற்கு எனது மனமார்ந்த நன்றி.
பரபரப்பான இந்த இணைய தொடரில் நடிகர் மாரிமுத்து, வின்செண்ட் அசோகன், ஸ்ரீகாந்த், சனம் ஷெட்டி, ஈடன் குரியகோஸ் முக்கிய கதாபாத்திரங்களில் நடித்துள்ளார்கள்.
இந்த இணைய தொடரை முற்றிலும் இலவசமாக MX Playerல் ஜனவரி 22 முதல் காணலாம்.
குருதிக்களம் - டிரைலர்
Tags: kuruthi kalam, santhosh prathap, ashokkumar, rajapandi, dhanush
