பேஷன் ஸ்டுடியோஸ் சுதன் சுந்தரம் மற்றும் G ஜெயராம் தயாரிப்பில் பிரபு ஜெயராம் இயக்கும் படம் ‘என்னங்க சார் உங்க சட்டம்’.

ஒரே படத்தில் இரண்டு கதைகள் கொண்ட ‘டியூப்லக்ஸ்’ வகைப் படமாக இப்படம் வெளிவர உள்ளது. இதற்கு முன்பு பாலசந்தர் இயக்கத்தில் வெளிவந்த ‘ஒரு வீடு இரு வாசல்’ படம் இந்த வகையில்தான் வெளிவந்தது.

படத்தின் முதல் பகுதி பொழுதுபோக்கு அம்சங்களுடன் காதல், காமெடி கலந்து உருவாக்கப்பட்டுள்ளது. இரண்டாம் பகுதி சாதியால் ஏற்படும் பிரச்சினகைளப் பற்றி சொல்லும் படம்.

முதல் பகுதியில் நடித்த 12 நடிகர்கள், இரண்டாம் பகுதியில் இரட்டை வேடங்களில் நடித்துள்ளது இப்படத்தின் சிறப்பம்சம்.

‘பீச்சாங்கை’ என்ற படத்தில் நடித்த ஆர்.எஸ்.கார்த்திக் இப்படத்தின் கதாநாயகனாக நடித்துள்ளார். மற்றும் ஐரா, பகவதி பெருமாள், ரோகினி, ஜூனியர் பாலையா, சௌந்தர்யா பாலா நந்தகுமார், தான்யா, எல்வின் சுபா, கயல் வின்சண்ட், பர்கத் பிரோஷா, மீரா மிதுன், மெட்ராஸ் மீட்டர் கோபால், விஸ்வந்த், நக்கலைட்ஸ் தனம் ஆகியோர் படத்தில் நடித்துள்ளனர்.

சமீபத்தில் அனைத்து சாதியினரும் அர்ச்சகர் ஆகலாம் என்ற சிறப்பான திட்டத்தை தமிழக அரசு அறிவித்துள்ளது. இந்த படமும் அதே கதைக் கருவில் தான் உருவாகியுள்ளது. 

தமிழக அரசு இத் திட்டத்தை அமல்படுத்துவதற்கு முன்பாகவே, படக்குழு படத்தினை முடித்து, தணிக்கை (U/A) சான்றிதழையும் பெற்றுவிட்டது. 

இப்படம் ஒரு பக்கத்தை சார்ந்ததாக இருக்காது, இரண்டு பக்க நியாயங்களை கூறுவதாக இருக்கும் என படக்குழு உறுதியாய் கூறுகிறார்கள். இந்த கருவில் இருக்கும் நன்மை தீமைகள் பற்றி படம் பேசும். இயக்குனர் பிரபு ஜெயராம் படத்திற்காக நிறைய தரவுகளை ஆராய்ந்து அதன்படி  படத்தின் திரைக்கதை அமைத்துள்ளார்.

கும்பகோணம் மற்றும் சென்னையைச் சுற்றியுள்ள பகுதிகளில் இப்படத்தின்  படபிடிப்பு நடத்தபட்டது. படம் முழுக்க முழுக்க கதையை மையப்படுத்தி நகரும் பொழுதுபோக்கு திரைப்படமாக இருக்கும், ஹீரோ, ஹீரோயின், வில்லனை மையப்படுத்தி இருக்காது என படக்குழு கூறியுள்ளது.   இசை, டிரைலர், பட வெளியீடு எப்போது என்பதை விரைவில் அறிவிக்க உள்ளார்கள். 

படத்தின் தொழில்நுட்ப குழு விபரம்
 
குணா பாலசுப்ரமணியம்- இசை
அருண் கிருஷ்ணா - ஒளிப்பதிவு
பிரகாஷ் கருணாநிதி- படத்தொகுப்பு
Teejay - கலை இயக்கம்
கார்த்திக் நேத்தா, ஜெகன் கவிராஜ், ரஞ்சித், M.S. முத்து, திவ்யா லக்‌ஷனா, ஸ்வேதா ராஜு - பாடல் வரிகள்
தேஜா- மேக்கப்
கிருஷ்ணன் சுப்ரமணியம்- ஒலிப்பதிவு
பென்னி தயால், வினீத் சீனிவாசன், குணா பாலசுப்ரமணியம், மால்வி சுந்தரேசன், பத்மபிரியா ராகவன், அஹானா கிருஷ்ணன்- பாடகர்கள்
அருண் உமா- டப்பிங் இஞ்னியர்
ராம் பிரசாத் - ஸ்டில்ஸ்
ஸ்ரீராம் -DI