அனுஸ்ரீ வழங்க, ஆர்ஆர்ஆர், ஜெகதீசன் இணைந்து தயாரிக்க, என்.எஸ்.சி இயக்கியிருக்கும் படம் ‘MMOF’.
இப்படத்தை தமிழ், தெலுங்கு, கன்னட மொழிகளில் தயாரித்துள்ளார்கள். அமேசான் பிரைம் ஓடிடி தளத்தில் வெளியாகி உள்ளது.
இப்படத்தில் நாயகனாக ஜேடி சக்கரவர்த்தி நடிக்கிறார். இவர் விஷால் நடித் ‘சர்வம்’, விக்ரம் பிரபு நடித்த ‘அரிமா நம்பி’ உள்ளிட்ட சில தமிழ்ப் படங்களில் நடித்தவர். தெலுங்கில் பல படங்களில் கதாநாயகனாக நடித்துள்ளார். நாயகியாக அக்ஷதா நடிக்க மற்றும் ஸ்ரீராம் சந்திரா, மனோஜ் நந்தன், பேனர்ஜி, செம்மக் சந்திரா, க்ராக் ஆர்.பி ஆகியோரும் நடித்துள்ளனர்.
சாய் கார்த்திக் இசையமைக்க, அஞ்சி ஒளிப்பதிவு செய்துள்ளார். எடிட்டிங் அவலா வெங்கடேஷ், தயாரிப்பு ராஜசேகர், ஜேடி காசிம்.
ஒரு திரையரங்கில் வரிசையாக கொலைகள் நடக்கின்றன. அந்தக் கொலைகளைச் செய்பவர் யார் ? என்ன காரணம் ? என்பது புதிராக உள்ளது, அதை வைத்துத்தான் இப்படத்தின் கதை அமைந்துள்ளது.
பரபரப்பான காட்சிகளோடு சஸ்பென்ஸ் த்ரில்லராக இப்படம் உருவாகியிருக்கிறது. திரை அரங்கில் நடக்கும் கொலைகளுக்கும் திரையரங்கில் காட்சிப்படுத்தும் படத்தில் வரும் காட்சிகளுக்கும் ஒரு தொடர்பு உள்ளது. அது என்ன என்பது மர்மமாக இருக்கிறது. முழுக்க முழுக்க ஒரு திகில் படமாக உருவாகி இருக்கிறது.
இதற்கான படப்பிடிப்பு முழுதும் ஹைதராபாத்தில் உள்ள திரையரங்கில் நடைபெற்றுள்ளது. படத்தில் மூன்று பாடல் காட்சிகள் உள்பட அனைத்து காட்சிகளுக்கும் அதே திரையரங்கில் படப்பிடிப்பு நடத்தியுள்ளார்கள்.
ஒரு திரையரங்கில் படத்தின் கதை நடந்தாலும் காட்சிகள் நம்மைக் கவரும்படி அமைந்திருக்கிறதாம். படத்தின் கதையும் காட்சிகளும் மொழி கடந்த உணர்வைத் தருவதால் மூன்று மொழிகளில் இப்படத்தை வெளியிட்டுள்ளார்கள்.
