பயாஸ்கோப் - விமர்சனம்

சங்ககிரி ராச்குமாரின் கிராமத்து கதையை மையமாக கொண்ட *பயாஸ்கோப்*, சினிமா மற்றும் சமூக மாற்றம் குறித்து பேசும் ஒரு வாழ்வியல் படம். கதை ராச்குமாரின் வாழ்க்கையை சுற்றி நயமாக நகர்கிறது. கிராமத்தில் தனது குடும்பத்துடன் மகிழ்ச்சியாக வாழ்ந்து வரும் ராச்குமார், சினிமாவைப் பற்றிய கனவுகளை தன் சித்தப்பாவிடம் பகிர்ந்து, சென்னைக்கு சென்று சினிமா கற்கிறார்.  

தனது சித்தப்பாவின் தற்கொலை செய்தியை அறிந்து, அவசரமாக ஊருக்கு திரும்பிய ராச்குமார்,  அதன் பின்னணியில் இருக்கும் மூடநம்பிக்கைகள் குறித்து விழிப்புணர்வு ஏற்படுத்த ஒரு படத்தை இயக்க முயல்கிறார். இந்த முயற்சியில் அவர் எதிர்கொள்ளும் சவால்களும் அவற்றை சமாளிக்க அவர் எடுக்கும் முயற்சிகளுமே படத்தின் மையமாகின்றன.  

ராச்குமாரின் நடிப்பு, ஒரு சாதாரண கிராமத்து மனிதனின் தன்னம்பிக்கையும், சமூக மாற்றத்தை நோக்கிய அவர் முயற்சிகளையும் துல்லியமாக பிரதிபலிக்கிறது. கிராமத்து பின்னணியில் குடும்ப உறவுகளுடன் வரும் நகைச்சுவை மற்றும் உணர்ச்சிகரமான காட்சிகள் நன்றாக அமைகின்றன.  

பாட்டிகளின் பங்குகள், வாழ்வியல் நெருக்கங்களை வலுவாக காட்டுகின்றன. அவர்கள் சுவையான நடிப்பால் கதையை அழுத்தமாக நகர்த்துகின்றனர். கதையின் ஒவ்வொரு முகமும் படத்தின் முக்கிய வலிமையாக இருக்கும்.  

தாஜ்நூரின் இசை, கிராமத்தின் இயல்பையும் அதன் உணர்ச்சியையும் இயல்பாக வெளிப்படுத்துகிறது. பாடல்கள் செந்தமிழ் மண்ணின் மண்வாசனையை நம்மிடம் கொண்டு வந்து சேர்க்கின்றன. முரளி கணேஷனின் ஒளிப்பதிவில் கிராமத்தின் இயல்புகள் அழகாக வெளிப்படுகிறதினாலும், இன்னும் சில சிரத்தையும் மெனக்கெடலையும் எதிர்பார்க்கலாம்.  

இயக்குநர் சங்ககிரி ராச்குமார், பயாஸ்கோப் மூலம் மூடநம்பிக்கைகள் மற்றும் அதன் தாக்கங்களை கேள்வி எழுப்புகிறார். அதே நேரத்தில், சினிமா உருவாக்கத்தின் சவால்கள் மற்றும் அது சமூகத்தில் ஏற்படுத்தும் தாக்கங்களை நுட்பமாக விவரிக்கிறார். சின்ன சின்ன நகைச்சுவைக் கோணங்கள், ஹாட் டச் காட்சிகள் மற்றும் உறவுகளின் மெய்ப்பொருளை சிறப்பாக சொல்லும் விதமாக கதை நகர்கிறது.  

தெருக்கூத்து கலையை தன்னுடைய படத்தில் சேர்த்து, கிராமத்தின் கலாச்சாரத்தை அழகாகப் பிரதிபலிக்கிறார்.  

பயாஸ்கோப் எளிமையான கதை களத்துடன் சமூக விழிப்புணர்வை வழங்கும் முயற்சியில் வெற்றி பெற்றுள்ளது. படம் எடுப்பது எளிதான விஷயமல்ல என்பதை கதையின் மூலம் உணர்த்திய விதம் பாராட்டத்தக்கது.  

அனைத்து இடங்களிலும் தனது தனித்துவத்தையும், மனிதநேயமான பார்வையையும் காட்டியுள்ள பயாஸ்கோப், கிராமத்து பின்னணியில் ஒரு யதார்த்தமான அனுபவமாக திகழ்கிறது.  

பயாஸ்கோப் சமூக விழிப்புணர்வை எழுப்பும் ஒரு நெகிழ்ச்சியான படம். அதன் கிராமத்து சூழல், ஒவ்வொரு காட்சிக்கும் உயிரோட்டம் சேர்க்கின்றது. மூடநம்பிக்கைகளையும் கிராமத்தின் வாழ்வியலையும் கருத்தில் கொண்டு உருவாக்கப்பட்ட இந்த படம், பார்வையாளர்களுக்கு சிந்திக்க வைக்கும் வகையில் அமைந்துள்ளது.