சுனைனா கதாநாயகியாக நடிக்கும் ‘ரெஜினா’, முதல் பார்வை வெளியீடு

நீர்ப்பறவை, சில்லுக்கருப்பட்டி உள்ளிட்ட படங்களில் தன் நடிப்புத் திறமையால் அனைவரையும் கவர்ந்தவர் சுனைனா. தற்போது பன்மொழிகளில் உருவாகும் ‘ரெஜினா’ என்ற புதிய திரைப்படத்தில் முதன்மைக் கதாநாயகியாக நடித்துள்ளார். 
 
எல்லோ பியர் புரொடக்‌ஷன் சதீஷ் நாயர் இப்படத்தினை தயாரிக்கிறார். தமிழ், தெலுங்கு, இந்தி மொழிகளில் இப்படத்தின் முதல் பார்வை போஸ்டரை இயக்குனர் வெங்கட் பிரபு வெளியிட்டார். மலையாள போஸ்டரை பிரபல மலையாள டைரக்டர் ஆஷிக் அபு வெளியிட்டார்.                    

இப்படத்தின் மூலம் தமிழில் இயக்குனராக அறிமுகமாகிறார், மலையாள பிரபலம் டோமின் டி சில்வா. இவர், மலையாளத்தில் பரபரப்பாக பேசப்பட்ட "பைப்பின் சுவத்திலே பிராணயம்" மற்றும் "ஸ்டார்" படங்களை இயக்கியவர். 

‘ரெஜினா’ படம் பெண்களை மையமாகக் கொண்ட ஸ்டைலிஷ் திரில்லராக இருக்கும் என்கிறார் இயக்குநர் டோமின் டி சில்வா. 

நீரோட்டத்திற்கு எதிராக ஒரு மீன் நீச்சலடிப்பதை போல, இப்படம் ஒரு சாதாரண இல்லத்தரசி ஆக இருக்கும் ஒரு பெண், அசாதாரணமான விஷயங்களைச் சாதிப்பதைப் பற்றியதாகவும், அனைவரயும் ஈர்க்கக்கூடிய ஒரு திரில்லர் படமாக இருக்கும்,” என்கிறார்.

இப்படத்தின் பாடல்களுக்கு இசையமைத்து படத்தைத் தயாரிக்கிறார் சதீஷ் நாயர். சில பாடல்கள் சிங்கப்பூரில் பதிவு செய்யப்பட்டுள்ளது. கிராமி விருது வென்ற, டபுள் பேஸ்-இல் இசையமைக்கும் வல்லமை படைத்தவர்களில் ஒருவரான கிறிஸ்டி  வாசித்து இருக்கிறார். இவருடன் ஜோண்ட் என்பவரும் வாசித்திருக்கிறார். இவர் ஜாஸ் பாணியில் வல்லமை வாய்ந்தவர்.

பாடல்களை யுகபாரதி, விவேக் வேல்முருகன், விஜயன் வின்சென்ட் மற்றும் இஜாஸ்.R எழுதியுள்ளனர்.

பவி K.பவன் ஒளிப்பதிவு செய்ய, கமருதீன் கலை இயக்குநராக பணியாற்றுகிறார். டோபி ஜான் எடிட்டிங் செய்ய, ஆடை வடிவமைப்பை ஏகன் செய்கிறார். PRO ஜான்சன்.
 
படத்தின் படல்கள் வெளீயீடு மற்றும் வெளியீட்டுன் தேதி பின்னர் அறிவிக்கப் படும்.