உண்மைச் சம்பவத்தின் அடிப்படையில் உருவாகும் ‘நதி’

16 Feb 2021

மாஸ் சினிமாஸ் நிறுவனம் சார்பில் சாம் ஜோன்ஸ் தயாரித்து, நாயகனாக நடிக்கும் படம் ‘நதி’.

'ஏமாலி, லிசா' படங்களுக்குப் பிறகு அவர் நடிக்கம் படம் இது.

இயக்குனர் மோகன் ராஜாவிடம் உதவி இயக்குநராகப் பணியாற்றிய தாமரைச் செல்வன் இப்படத்தை இயக்குகிறார். 

உண்மைச் சம்பவத்தை மையப்படுத்தி எடுக்கப்பட்டுள்ள இப்படத்தில் கயல் ஆனந்தி கதாநாயகியாக நடிக்கிறார்.

பிரபல தெலுங்கு நடிகை சுரேகா வாணி, முனிஸ்காந்த், வேலா ராமமூர்த்தி, A.வெங்கடேஷ் ஆகியோர் முக்கிய கதாபாத்திரங்களில் நடிக்கின்றனர். இப்படத்தின் வில்லன் கதாபாத்திரம் கதாநாயகனுக்கு நிகரானது என்பதால் பிரபல இயக்குநர் ஒருவரை ஒப்பந்தம் செய்ய உள்ளார்கள். 

ஒளிப்பதிவாளராக M.S.பிரபு, இசையமைப்பாளராக 'கனா' படத்தின் இசையமைப்பாளர் திபு நினன் தாமஸ் பணியாற்றுகின்றனர்.

இப்படத்தின் படப்பிடிப்பு மதுரை, தேனி உள்ளிட்ட இடங்களில் படமாக்கப்பட்டது. இறுதிக் கட்டப் படப்பிடிப்பு தற்போது மும்முரமாக நடைபெற்று வருகிறது.

Tags: anandhi, sam jones, nadhi

Share via: