அரசியல் படமாக வர உள்ள ‘கோடியில் ஒருவன்’

செந்தூர் ஃபிலிம் இன்டர்நேஷனல் சார்பில் T.D.ராஜா தயாரிக்கும் படம் 'கோடியில் ஒருவன்'.

ஆனந்த கிருஷ்ணன் இயக்கும் இப்படத்தில் விஜய் ஆண்டனி, ஆத்மிகா மற்றும் பலர் நடிக்கிறார்கள்.

விரைவில் வெளிவர உள்ள இப்படம் பற்றி படக்குழுவினர் பகிர்ந்து கொண்டார்கள்...

விஜய் ஆண்டனி 

‘கொலைகாரன்’ படத்திற்குப் பிறகு இந்த படம் ரிலீஸ் ஆகிறது. இயக்குனர் ஆனந்த கிருஷ்ணன் அருமையான படத்தைத் தந்துள்ளார். எதிர்காலத்தில் இவருடன் இன்னும் பல படங்களில் நடிப்பேன். ஆத்மிகாவுடன் நடித்ததில் மகிழ்ச்சி . அவர் ஒரு திறமையான நடிகை. நிவாஸ் இசையில் பாடல்கள் சிறப்பாக வந்துள்ளது. சமீபத்தில் வெளியான மெலோடி பாடல் நல்ல வரவேற்பு பெற்றுள்ளது. படம் ஏப்ரல் மாதம் திரைக்கு வருகிறது.

ஆத்மிகா

இப்படத்தில் நடிக்க வாய்ப்பளித்த தயாரிப்பு நிறுவனத்திற்கு நன்றியை தெரிவித்துக் கொள்கிறேன். கொரோன காலகட்டத்தில் படப்பிடிப்புக்கு அனுமதி அளித்த அடுத்த தருணமே இப்படத்தின் படப்பிடிப்பை தொடங்கி விட்டார்கள். படப்பிடிப்பை நம்பி வாழும் ஊழியர்களையும், தொழிலாளர்களையும் மனதில் வைத்து விஜய் ஆண்டனி நடிக்க ஒப்புக்கொண்டு  நடித்துக் கொடுத்தார். இவர் ஒரு ரியல் லைஃப் ஹீரோ. இப்படத்தின் போஸ்டர்களில் ஹீரோவுக்கு இணையாக என் பெயரையும் சேர்த்தது எனக்கு மகிழ்ச்சி அளிக்கிறது. இந்த படத்தில் ஒரு முக்கியமான கதாபாத்திரத்தில் நடித்துள்ளேன்.

இயக்குனர் ஆனந்த கிருஷ்ணன் 

‘கோடியில் ஒருவன்’ படத்தில் விஜய் ஆண்டனி டியூசன் மாஸ்டர் கதாபாத்திரத்தில் நடித்துள்ளார். ‘மெட்ரோ’ படத்தைப் பார்த்து எனக்கு இந்த படத்தை இயக்க வாய்ப்பளித்தார். இந்த படத்தில் அரசியலால்  சமுதாயத்தில் ஏற்படும் பிரச்சனைகளையும், சிக்கலைகளையும் கதையாக அமைத்துள்ளேன். இது முழுக்க முழுக்க ஜனரஞ்சகமான விறுவிறுப்பான ஒரு படம். 

தனஞ்செயன் 

‘கோடியில் ஒருவன்’ ஒரு பாசிட்டிவான படத்தலைப்பாக, விஜய் ஆண்டனிக்கு அமைந்துள்ளது. ஆனந்த கிருஷ்ணன்  திறமையான இயக்குனர். இந்த படத்தை வெளியிடுவதில் மிக்க மகிழ்ச்சி. கொரோனா காலகட்டத்திலும் அனைவரின் ஒத்துழைப்போடும் இப்படத்தின் படப்பிடிப்பு நடைபெற்று முடிவடைந்தது . இந்த படத்தின் எடிட்டிங் பணிகளை விஜய் ஆண்டனி மேற்கொள்கிறார். முதன் முதலாக எடிட்டராக அவதாரம் எடுத்துள்ளார். படத்தின் முதல் பாதி எடிட்டிங் முடிந்து பார்த்தோம், அருமையாக வந்துள்ளது, இரண்டாம் பாதிக்காகக் காத்திருக்கிறோம். விஜய் ஆண்டனி  கடுமையான உழைப்பாளி. படப்பிடிப்பு நடக்கும் போதே ஷூட் முடித்ததும் மறுபுறம் எடிட்டிங் வேலைகளை கவனிப்பார்.

இன்ஃபினிட்டி ஃபிலிம் வென்சர்ஸ் வழங்க தனஞ்செயன் இப்படத்தை வெளியிடுகிறார். இணை தயாரிப்பு - கமல் போஹ்ரா, லலிதா தனஞ்செயன், B. பிரதீப், பன்காஜ் போஹ்ரா, விக்ரம் குமார் .